Tərəvəz və meyvələrin tərkibində orqanizm üçün lazım olan vitaminlər, minerallar və liflər olmasına baxmayaraq, onların bəziləri mədə-bağırsaq traktına mənfi təsir göstərə və ya allergiyaya səbəb ola bilər.
Aztibb.az “İzvestiya” nəşrinə istinadən xəbər verir ki, bu barədə qastroenteroloq Yekaterina Kaşux məlumat verib.
Qastroenteroloqun fikrincə, xüsusilə şam yeməyində pomidor, bibər, badımcanla ehtiyatlı olmaq lazımdır.
“Bu tərəvəzlər az miqdarda zəhərli solanin ehtiva edir və bəzi insanlarda qidaya qarşı dözümsüzlük və ya allergiyaya səbəb ola bilər.
Onların tərkibində çoxlu C, A, E, K vitaminləri, fol turşusu, kalium, maqnezium və antioksidantlar var.
Karbohidratların çox olması səbəbindən kartof, qarğıdalı və balqabaq kimi nişastalı tərəvəzlər çox faydalı deyil. Onlardan diabet xəstələri və arıqlamaq istəyənlər ehtiyatla istifadə etməlidirlər.
Ekspertin sözlərinə görə, tərkibində nişastası olmayan tərəvəzlər ən faydalı hesab olunur. Bunlara müxtəlif növ kələm, xiyar, balqabaq, hər növ göyərti, o cümlədən ispanaq, kərəviz və cəfəri daxildir. Onların tərkibindəki maddələr immunitetin və ürək-damar sisteminin sağlamlığının qorunmasına kömək edir.
Giləmeyvə və meyvələr arasında daha az miqdarda histamin olanlara üstünlük verilməlidir. Həkim izah edib ki, bu maddə qan damarlarını genişləndirir və allergiyaya bənzər simptomlar yaradır.