İlon Maskın Neuralink şirkəti ABŞ Qida və Dərman İdarəsindən (FDA) insan beyin çiplərini sınaqdan keçirmək üçün icazə alıb.

Aztibb.az russian.rt.com-a istinadən xəbər verir ki, “Neuralink”in açıqlamasına görə, könüllülərin işə qəbulu hələ elan edilməyib.

“İnsan üzərində ilk klinik sınaqımıza başlamaq üçün FDA təsdiqini aldığımızı elan etməkdən məmnunuq”, - şirkət Twitter-də yazıb.

Qeyd edək ki, 2020-ci ildə İlon Mask təqdimat zamanı beyin implantı olan donuz nümayiş etdirib. İ.Maskın əsasını qoyduğu Neuralink ümid edir ki, implant gələcəkdə iflic, Alzheimer xəstəliyi və demens kimi xəstəlikləri müalicə etməyə imkan verəcək.