2030-cu ilə qədər dünyada hər il insultdan ölənlərin sayı 5 milyona çata bilər. Bu barədə Amerika Nevrologiya Akademiyası yazıb.

Aztibb.az medzdrav.info-ya istinadən xəbər verir ki, tədqiqat zamanı Ümumdünya Səhiyyə Məlumat Mübadiləsinin 1990-2019-cu illər üzrə göstəriciləri təhlil edilib. Məlum olub ki, əhali artdıqca, işemik insultdan ölənlərin sayı da 1990-cı ildəki 2,04 milyondan 2019-cu ildə 3,29 milyona yüksəlib.

Şanxay Tongji Universitetində tədqiqatın həmmüəllifi Liz Xionqun bildirdiyinə görə, ölüm sayının artmasına baxmayaraq, insult sıxlığının azalması o ola bilər ki, dünyada xəstəliyin ümumi artımı qocalma və əhalinin artımı ilə bağlıdır.

Bundan əlavə, xəstəliyin yeddi səbəbi müəyyən edilib: yüksək bədən kütləsi indeksi, qan şəkəri, siqaret, yüksək qan təzyiqi, xolesterin, natriumda yüksək qidalanma və böyrək funksiyasının pozulması.

Daha sonra elm adamları 2020-2030-cu illərdə ölümlərin sayını proqnozlaşdırmaq üçün məlumatları təhlil ediblər. Hesablamalara görə, insult 2030-cu ildə 4,9 milyon insanın ölümünə səbəb olacaq.