Oftalmoloq Anastasiya İqnatçik insanda görmə itkisinə səbəb ola biləcək bir çox nüansları müzakirə edib.

“Orqanizmimiz birdir və bütün orqanlar bir-birinə bağlıdır. Buna görə də, gözdə bir yerdə çatışmazlıq olarsa, bu, çox vaxt tam korluğa qədər görmə pozğunluğuna səbəb olur ", oftalmoloq bildirib.

Aztibb.az medzdrav.info-ya istinadən xəbər verir ki, həkimin bildirdiyinə görə, diabet görmə pozğunluğunun ən çox yayılmış səbəblərindən biri hesab olunur.

“O, gözün ən ağıllı hissəsini, tor qişasını məhv edir. Daxili divar, damarlar zədələnir, onlar qanın maye hissəsinə keçirici olur, ödem meydana gəlir, sonra isə oksigensiz işemiya zonası yaranır. Bu zaman dərmanlardan istifadə tələbi ortaya çıxır”, - oftalmoloq izah edib.

Xüsusilə təhlükəli olan, həkimə müraciət etmədən müstəqil olaraq istifadə edilən müxtəlif göz damcılarıdır. Oftalmoloqun sözlərinə görə, bir çox gənc qızlar fotosessiya zamanı hormon damcılarından istifadə etməyi xoşlayırlar, çünki onlar gözlərinin ağarmasına kömək edir. Lakin bunun bir çox yan təsirləri var.

Gözlər üçün vazokonstriktor dərmanlarının nəzarətsiz istifadəsi təhlükəlidir.