Yaz aylarında aktiv tərləmə orqanizmdə susuzluq vəziyyətinə səbəb olur.

Aztibb.az xəbər verir ki, terapevt Tamara İlyinskaya MedikForum nəşrinin jurnalistinə verdiyi müsahibədə lazımi miqdarda su içməklə bağlı xəbərdarlıq edib.

O, qidanın normal həzmi və nəcisin keçməsini təmin etmək üçün bağırsaqlara gündəlik bir litrdən çox maye tələb olunduğunu qeyd edib. Su çatışmazlığı orqanizmin fəaliyyətini ləngidir və bəzi hallarda onun tam dayanmasına səbəb ola bilər.

"Əhəmiyyətli dehidrasiya tutmaları, beyin ödemi, böyrək funksiyasının pisləşməsi, hətta şok və koma kimi ciddi fəsadlarla doludur", – həkim bildirib.

Həkim orqanizmdə su çatışmazlığının əlamətlərini də sadalayıb. Bunlara qəbizlik, mədə turşusunun artması və şişkinlik daxildir.