Sakit olmaq və öyrəndiklərini xatırlamaq! İmtahan günü məktəblinin və ya tələbənin iki əsas vəzifəsi bunlardır. Həkim uşaqların və valideynlərin beyni gücləndirmək istəyərkən buraxdıqları səhvləri və beynin fəaliyyətinə əslində nəyin təsir edəcəyini izah ediblər.

İmtahandan əvvəl narahatlığın öhdəsindən necə gəlmək və beyni 150% işə salmaq olar? Enerji içkisi və ya sakitləşdirici pəhriz əlavəsi içmək, yoxsa səmərəliliyi artıracaq həblər atmaq?

Aztibb.az doctorpiter.ru-ya istinadən xəbər verir ki, bu şəkildə məktəb və ya universitet imtahanlarına hazırlaşanlar ciddi səhvə yol verirlər.

“Təəssüf ki, gənclər imtahanlardan əvvəl performansı artırmaq üçün çox vaxt səmərəsiz üsullardan istifadə edirlər: enerji içkiləri, effektivliyi sübut olunmamış pəhriz əlavələri və hətta yaddaşı yaxşılaşdıran dərmanlar da içirlər. Ancaq bu yanaşma tam əks təsirlərə gətirib çıxarır.

Mütəxəssislərin fikrincə, sakitləşdirici və ya beyin gücləndirici həblərin öz-özünə qəbulu hətta təhlükəli ola bilər. Onların bir orqanizmə necə təsir edəcəyi böyük sualdır.

İmtahanlardan əvvəl bədəni necə dəstəkləmək olar?

- Gündə ən azı 7-8 saat tam yuxu, ən azı 2 saat açıq hava fəaliyyəti: qaçış, gəzinti, velosiped sürmək, idman etmək.

- Heyvan zülalları, omeqa-3 ilə zəngin qidalar (yağlı balıqlar: siyənək, skumbriya), təzə meyvə və tərəvəzlər daxil olmaqla, gündə 4-5 yemək kompleksi.

- Çoxları tərəfindən sevilən şokoladı diyetə daxil etmək tövsiyə olunur: bu, düşüncə proseslərinin sürətinə və məlumatların yadda saxlanmasına müsbət təsir göstərir.

- Gecələr yatmaq əvəzinə dərsliklərlə vaxt keçirmək yaxşı fikir deyil.

- İstirahət üsullarının istifadəsi: açıq havada meditasiya, nəfəs məşqləri, sakitləşdirici masaj və psixoloji dəstək.

Beyin üçün faydalı 5 qida

- Yaşıl yarpaqlı tərəvəzlər - kələm, ispanaq.

- Yağlı balıq - qızılbalıq, siyənək, skumbriya.

- Moruq, zoğal, qoz

- Qəhvə və çay. Onlar konsentrasiyanı, diqqəti yaxşılaşdırır və beynin böyük miqdarda məlumatı daha sürətli emal etməsinə kömək edir. Ancaq əsas odur ki, qədərini aşmayasan.