Monitorinq və elmi araşdırmaların nəticələrinə əsasən BMT-nin İqlim Dəyişikliyi üzrə Hökumətlərarası Paneli (IPCC) 2023-cü ildə Yer kürəsində iqlim dəyişikliyinin son dərəcə intensiv olduğu qənaətinə gəlib. Planetin iqlim sisteminin vəziyyəti onun səthinə, okeanlara, buz təbəqələrinə və atmosferə təsir göstərir.

Aztibb.az BMT-nin rəsmi saytına istinadən xəbər verir ki, yaranan tendensiyaların bəziləri artıq geri dönməzdir.

İqlim dəyişikliyi sağlamlığa bir çox cəhətdən təsir edir. Hava və ya temperaturun qəfil dəyişməsi ilə ekoloji sistemlərdəki dəyişikliklər nəticəsində məhsul itkisi, xəstəliyin daşıyıcılarının artması və əhalinin yerdəyişməsi baş verir.

Bu mexanizmlər insanların xəstəliklərə və sağlamlıq problemlərinə həssaslığını artırır, peşə sağlamlığını və psixi sağlamlığını pisləşdirir, resurs çatışmazlığı və miqrasiya baxımından riskləri artırır.

İqlim dəyişikliyi səbəbindən qlobal miqyasda vaxtsız ölüm baş verir. 2030-cu ildən 2050-ci ilə qədər iqlim dəyişikliyinin təsirləri səbəbindən hər il təxminən 250 000 əlavə ölüm gözlənilir.