Ramazan ayı boyunca mədə və bağırsaq sistemi gündə iki dəfə qida istehlakına uyğunlaşmağa başlayır. Orucluq bitdikdən sonra psixoloji olaraq həddindən artıq yemək yemə meyli müşahidə edilir.
Aztibb.az xəbər verir ki, səhhətinizdə müəyyən problemlərin yaranmaması üçün köhnə bəslənmə vərdişinə mərhələli dönmək lazımdır. Bayram səhəri günə yüngül bir nahar edilərək başlanılmalıdır.
Nahar menyusu
Naharda pendir, zeytun, pomidor, xiyar, cem, bal və ya bəhməz, kəpək çörək, yumurta, süd, meyvə kimi yüngül qidalar yeyilməlidir. Yeməklər birdən-birə və çox miqdarda deyil, gün ərzində az miqdarlarda hissə-hissə istehlak edilməlidir. Təlabatınıza uyğun maye qəbul edilməlidir. Çay, qəhvə, kolalı içkilər su, ayran, kompot, meyvə şirəsi ilə əvəz edilməlidir. Günorta yeməyinə şorba, ətli tərəvəz yeməyi, qatıq, ayran, kəpək çörək seçilməlidir.
Şam yeməyi menyusu
Axşam yeməyində qızartma (ət, toyuq, balıq), salat, qatıq və ya kəpək çörəyi, kəpəkli makaron və ya yarma plovu kimi məhsullar seçilsə daha yaxşı olar.
Lifli qidaların (paxlalı bitkilər, xurma, göyərti, meyvə) istehlakı artırılmalıdır. Belə qidalar qan şəkərini, qan təzyiqini (təzyiqi) və qan xolesterolunu istənilən səviyyədə nəzarətdə saxlamağa kömək edər. Lifli məhsulların qalın bağırsaq xərçəngindən qoruyucu təsirləri də mövcuddur. Buğda çörəyi yerinə kəpək, çovdar, yulaf çörəyini; düyü yerinə yarma seçməkdə fayda vardır. Hətta düyü, makaron, əriştə və unun da kəpəkli olanlarını istifadə etmək daha məsləhətdir. Tərəvəz və meyvələrdən tez-tez istifadə edilməlidir. Soyulmadan yeyilə bilənləri yaxşıca yuduqdan sonra qabıqlı istehlak etmək həmişə faydalıdır.