Şübhəsiz ki, düşünmüsünüz, hansı toyuq yumurtasını almaq daha yaxşıdır. Rəng dad və faydalara təsir edirmi?
Aztibb.az "Eat This, Not That!" saytına istinadən xəbər verir ki, yumurta həzmi asan olan zülalla, amin turşuları, antioksidantlar və sağlam yağlarla zəngindir. Yeri gəlmişkən, bir çox insanlar səhvən zülallara üstünlük verərək sarısını yeməməyin daha yaxşı olduğuna inanırlar. Əslində, yağ yandırıcı maddə - xolin ehtiva edən sarısı olduğundan, xüsusilə də arıqlamaq istəyənlər üçün yumurtanı bütün olaraq yemək daha yaxşıdır.
Mağazalarda yumurta qablarını diqqətlə nəzərdən keçirsəniz, bütün məhsulların müxtəlif rənglərdə olacağını görəcəksiniz. Ağ, süd rəngi, və hətta qəhvəyi yumurta var. Bəzi insanlar qəhvəyi yumurtaların ağ yumurtalardan daha "təbii" olduğunu düşünür.
Əslində bütün bu ifadələri miflərə aid etmək olar. Yumurtaların rəngi yalnız bir səbəbdən fərqlənir: onları müxtəlif cins toyuqlar qoyur. Bir qəhvəyi yumurta və bir ağ götürsəniz, alimlər üçün laboratoriyaya versəniz, bu nəticəni alacaqsınız: qida dəyəri baxımından onlar tamamilə eynidir. Hər ikisində vitaminlər, zülallar və digər minerallar var.
Qəhvəyi yumurtaların çox vaxt ağ yumurtalardan daha bahalı olmasının səbəbi qəhvəyi yumurta qoyan toyuq cinslərinin ağ yumurta qoyan cinslərdən daha böyük olması və daha çox qida, yer və qayğı tələb etməsidir. Xərclərdəki fərq buna görədir.