Yalnız qaynar çay deyil, ümumilikdə qidanı çox qaynar qəbul etmək ağız içi, qida borusu və bütün həzm sisteminə mənfi təsir edir.

Aztibb.az xəbər verir ki, qastrenteroloq Gülnar Ağayevanın bildirdiyinə görə, çayın və ya hər hansı mayenin, qidanın qaynar qəbulu qastroezofageal reflüks xəstəliyinə, dolayısıyla qida borusu xərçənginə zəmin yaradır.

Temperaturu 60°C-dən yüksək olan 700 ml-dən çox çayın və ya qəhvənin içilməsi, sözügedən ölümcül xəstəliyin inkişafı riskini 90% artırır.

Alimlər bu riski aradan qaldırmaq üçün çayı ilıq içməyi tövsiyə edir. Yəni txunduğunuz zaman qida sizi yandırmayacaq istilikdə oluncaya qədər gözləmək lazımdır.

Qaynar qidaların, içkilərin yanında siqaret və alkoqollu içkilərdən istifadə də xərçəng riskini 3-4 qat daha artırır.