Geteborq Universitetinin alimlərinin fikrincə, fiziki fəaliyyət insultdan sağalmaq üçün əsaslı rol oynaya bilər.

Aztibb.az xəbər verir ki, bununla bağlı “JAMA Network Open”də dərc edilən yazıda bildirildiyinə görə, tədqiqat üçün mütəxəssislər orta yaşı 72 olan 400 kişi və qadının həyatı və sağlamlığı haqqında məlumat toplayıblar.

Bütün iştirakçılar 2014-cü ilin oktyabrından 2019-cu ilin iyununa qədər insult keçirənlər olub. Təcrübə zamanı könüllülərin 53%-i fiziki aktivliyini artırıb, 47%-i isə azaldıb.

Aaraşdırmanın nəticələri göstərib ki, fiziki fəaliyyət səviyyəsini altı ay ərzində tədricən artıran insanların, idmana az vaxt sərf edənlərlə müqayisədə insultdan sonra fiziki və idrak funksiyaları daha tez bərpa olunub.