Sun Yat-sen Universiteti (Çin) və Melburn Universitetinin (Avstraliya) mütəxəssisləri tərəfindən aparılan yeni araşdırma qəhvə və çay istehlakının bəzi xəstəlikləri önləyə bilməsindən bəhs edir.
Aztibb.az xəbər verir ki, bununla bağlı “Nutrients” jurnalında dərc olunan məqalədə yazılır.
Retinal sinir lifi təbəqəsi vizual məlumatı gözlərdən beyinə ötürən sinir hüceyrələri qrupudur. Bu təbəqə nə qədər incə olarsa, neyrodegenerativ xəstəliklərin inkişaf riski bir o qədər yüksəkdir.
Tədqiqatda 35 000 insan iştirak edib. İştirakçılar bir il ərzində gündə neçə fincan çay və kofe içdiklərini bildiriblər, bundan sonra qəbul edilən çay və kofenin stakan sayına görə dörd qrupa bölünüblər.
Retinal makula sinir lifi təbəqəsinin qalınlığı gözün arxa hissəsinin təsvirlərini yaratmaq üçün əks olunan işıqdan istifadə edən qeyri-invaziv görüntüləmə texnikası (OCT) vasitəsilə ölçülüb.
Təcrübənin nəticələri göstərib ki, gündə iki-üç fincan qəhvə və ya dörd stəkandan çox çay içən insanlarda tor qişanın makula sinir lifi təbəqəsinin qalınlığında əhəmiyyətli artım müşahidə olunub.