Tarixdə ilk dəfə olaraq həkimlər dölün beynindəki anormal qan damarını düzəltməyə nail olublar.

Aztibb.az ridus.ru-ya istinadən xəbər verir ki, embrionun beyindəki arteriyaların orqanın mərkəzi venasına bağlandığı Galen malformasiyası adlı nadir bir xəstəlik var. Bu pozğunluq damarı genişləndirir və daha çox qanın keçməsinə imkan verir, ürəyə təzyiq edir və beyni oksigendən məhrum edir. Bu xəstəliyə tutulan körpələrdə adətən doğuşdan bir neçə gün sonra ürək çatışmazlığı yaranır və sonra ölür.

Müayinələr zamanı MRT fetusun mərkəzi damarının diametrinin 14 millimetrdən böyük olduğunu görünür. Boston Uşaq Xəstəxanasının (ABŞ) həkimləri 34-cü həftədə çətin bir əməliyyata qərar verirlər. Cərrahların fikrincə, bu, onların indiyə qədər gördükləri ən aqressiv anomaliyalardan biri olub.

Əməliyyatdan əvvəl anaya onurğa anesteziyası verilir və dölün əməliyyat zamanı hərəkət etməməsi üçün anestezik iynə vurulur. Sonra uşaqlığın içindən bir iynə də daxil edilir və ultrasəs vasitəsiylə onu uşağın başının arxasına, qüsurun yerləşdiyi yerə yönəltmək mümkün olur. Bundan sonra cərrahlar kateter vasitəsilə dölün venasına xüsusi metal qıvrımlar yerləşdiriblər ki, bu da damardan axan qanın miqdarını azaldır.

Ümumilikdə əməliyyat iki saat davam edir və ertəsi gün ultrasəs müayinəsi dölün ürəyinin vurduğu qanın miqdarının 43 faiz azaldığını göstərir.

Əməliyyatdan əvvəl və sonra MRT müayinəsi damarın diametrinin demək olar ki, beş millimetrə qədər kiçildiyini göstərir. Körpə iki gün sonra vaxtından əvvəl, fəsadsız doğulur.
Həkimlər bu uğurdan sonar daha 19 iştirakçı üzərində belə bir əməliyyat keçirməyi planlaşdırırlar.