Dünya alimləri hesab edirlər ki, demensiya ilə mübarizədə yeni dövr başlayıb. Bu, yeni “Donanemab” dərmanının Alzheimer xəstəliyinin inkişafını ləngidirdiyi rəsmən sübut olunduqdan sonra baş verib.

Aztibb.az ridus.ru-ya istinadən xəbər verir ki, dərman xəstələrin beynində yığılan zəhərli zülal yığınlarını ilkin mərhələdə parçalayaraq, xəstəliyin gedişatını dayandıra bilib.

Dərmanın tədqiqində 60-85 yaş arası Alzheimer xəstəliyinin erkən mərhələsində olan 1736 nəfər iştirak edib. Həkimlər 18 ay ərzində onların xəstəliklərinin inkişafını müqayisə ediblər. Daha yüngül simptomları olan insanların həmin dərmandan əla nəticələr əldə etdiyi aşkar edilib.

İngilis xeyriyyə təşkilatı "Alzheimer Society" tədqiqatın nəticələrini "Alzheimerin sonunun başlanğıcı" kimi qiymətləndirib.