Moldovanın Daxili İşlər naziri Pavel Voyku koronavirusa yoluxma səbəbilə reanimasiyaya yerləşdirilib.

Aztibb.az xəbər verir ki, bu barədə P.Voykunun rəsmi "Facebook" səhifəsində onun xəstəliyi barədə informasiya yerləşdirilib.

“Sentyabr ayında immunitet sistemimin kəskin zəifləməsinə səbəb olan sağlamlıq problemim olduğunu və bu səbəbdən COVID-19 infeksiyasına qarşı daha həssas olduğumu aşkarladım. Keçən həftə test verdim, nəticə pozitiv oldu. İndi Respublika Klinik Xəstəxanasının reanimasiya şöbəsinə yerləşdirilmişəm və müalicə alıram. Səhhətim yaxşılaşıb və ümid edirəm ki, tezliklə işə qayıdacağam”, - deyə nazir bildirib.

O zaman Sərhəd Mühafizə Xidmətinin rəisi Korneliu Qroza, avqustda Səhiyyə, Əmək və Sosial Müdafiə Nazirliyi Viorika Dumbrevyanu da COVID-19-a yoluxmuş, evdə müalicə olunaraq sağalmışdı.

Eyni zamanda 10 millət vəkili virusa yoluxmuşdu. Hazırda bütün parlament fraksiyalarından ən azı 7 deputat xəstədir. Bu səbəbdən parlament iclas üçün toplana bilmir və hökumət iclaslarını yalnız onlayn keçirir.