Bədənimiz özü nə qədər yuxuya ehtiyacı olduğunu bilir və kifayət deyilsə, bədən dərhal bir siqnal verəcəkdir. Düzdür, bu, həmişə aşkar olmaya bilər.

Aztibb.az doctorpiter.ru-ya istinadən xəbər verir ki, Harvard doktoru yuxusuzluğun 10 gizli əlamətinin adını çəkib. 

Hər gecə ən az 6-8 saat yatmaq lazım olduğuna inanılır. Amma hər bir insan fərdi, kiminsə daha çox, kiminsə daha az yuxuya ehtiyacı var. Tam istirahət etmək və güc qazanmaq üçün kifayət qədər yatıb-yatmadığınızı müəyyən etmək üçün ağıllı bədənimizdən gələn sadə siqnallardan istifadə edə bilərsiniz.

Harvard doktoru Emi Şah sadə bir testdən keçməyi və 10 suala cavab verməyi təklif edir. Bədəniniz sizə nə qədər yuxuya ehtiyacınız olduğunu söyləyəcək.

1. Kifayət qədər yatdığına əminsən?
2. Yuxularını nadir hallarda xatırlayırsan?
3. Səhər oyanıb, hələ də özünü yorğun hiss edirsən?
4. Daim dadlı və zərərli bir şey yemək istəyirsən?
5. Səhər istədiyindən tez oyanırsan?
6. Gün ərzində özünü bəzən yuxulu və yorğun hiss edirsən?
7. Gecə ərzində tez-tez bir və ya bir neçə dəfə oyanırsan?
8. Düşüncələr və narahatlıqlar üzündən yatmaqda çətinlik çəkirsən?
9. Səhər gözlərinizin altında şişlik, qara dairələr və ya qızartı hiss edirsən?
10. Daim müxtəlif duyğuları yaşayırsan - qəzəb, impulsivlik, narahatlıq, kədər və s.

Əgər üç və ya daha çox suala “bəli” cavabını verdinizsə, o zaman çox güman ki, kifayət qədər yuxu almırsınız və ya yuxunuzun keyfiyyəti ciddi şəkildə pozulur.

Pis yuxunun səbəbi hər hansı bir xəstəlik, ya yuxunun pozulması, ya da psixoloji problemlər, xroniki stress ola bilər.

Həkimlərinizə çətinlikləriniz barədə danışın.