Qadın hormonal pozuntular fonunda hamilə qala bilmirsə, bu endokrin sonsuzluq hesab edilir.
Qadın orqanizmində az miqdarda androgenlərin (kişi cinsi hormonlarının) olması, cinsi inkişafa və yumurtalıqların düzgün funksiya göstərməsi üçün vacibdir.
Aztibb.az xəbər verir ki, endokrinoloq-diyetoloq Fidan Səmədovanın bildirdiyinə görə, androgenlərin artmış ifrazı ya yumurtalıqlar, ya da böyrəküstü vəzi tərəfindən, bəzən isə hər ikisi tərəfindən ola bilər.
Çox zaman hiperandrogeniya polikistoz yumurtalıqlar sindromunu müşayət edərək endokrin sonsuzluğa, hirsutizm (tüklənmə), qanaxma və ya aybaşıının olmaması, yumurtalıqların ikitərəfli zədələnməsinə gətirir.
Böyrəküstü vəzi mənşəli hiperandrogeniya adətən böyrəküstü vəzinin qabıq maddəsinin hiperplaziyası (qalınlaşması) nəticəsində yaranır. Bəzən ikincili olaraq prosesə yumurtalıqlar da qoşula bilər.