Çox stressli bir dövr keçirdikdə, çox kədərləndikdə özümüzü qocalmış hiss edirik. Əslində həqiqətən də belə olur.

Stressin bioloji yaşı sürətləndirərək artırdığı sübut edilib. Stressdən qurtulduqdan sonra isə hər şeyin normala qayıtdığı müşahidə edilib.

Aztibb.az xəbər verir ki, qastrenteroloq Nərmin Novruzova bioloji yaşın sürətlə irəliləməsinə səbəb olan başqa amillərin də olduğunu deyib. Xəstəliklər, COVID kimi qrip infeksiyaları, dərman müalicəsi, cərrahi müdaxilələr, travmalar, hamiləlik, həyat tərzi və ətraf mühit faktorları.

Bu amillər DNT metilasiyasına (ibtidai immun sistemi kimi işləyərək orqanizmdə bakteriyaları qoruyan bioloji proses) və onunla da bioloji yaşa təsir göstərir.

“Mən hər zaman vurğulayıram ki, əsas idarəetmə mərkəzinin metilasiyasının yaxşı işləməsi çox vacibdir. Gənc qalmaq və xəstələnməmək üçün metilasiyanı tənzimləməliyik. Bunun üçün uyğun həyat tərzi faktorlarını öyrənməliyik. Stressi idarə etməyi öyrənməliyik, çünki bu, bioloji yaşı bərpa etməyə kömək edir”.