İntim həyatda problem yaradan bir sıra xəstəliklər var. Bu xəstəliklər cinsi həyatı ağrılı və hətta qeyri-mümkün edir. Söhbət vaginizm, vulvodit, endometrioz və digər xəstəliklərdən gedir.

Aztibb.az mednovelty.ru-ya istinadən xəbər verir ki, vaginizm zamanı vaginada olan əzələlər qeyri-ixtiyari büzülərək intim əlaqəni çətinləşdirir. Ancaq bu problem 95% hallarda aradan qaldırıla bilər.

Ginekoloq Sylvia Xan bildirib ki, 20-40 yaşlı qadınların 4-28%-i vestibulodiniyadan əziyyət çəkir ki, bu da yalnız yaxınlıq zamanı deyil, həm də hər hansı bir nüfuz (tampon və ya baxış güzgüsü), eləcə də dar alt paltarı geyinərkən ağrı ilə müşayiət olunur.

30-50 yaş arası fibromiyalji xəstələri tez-tez ağrılı cinsi əlaqədən şikayət edirlər. Belə hallarda, ginekoloq vəziyyəti yüngülləşdirən vasitələr tövsiyə edə bilər, lakin bu xəstəlikdən tamamilə xilas olmaq hələ də mümkün deyil.

Əgər qadın endometriozdan əziyyət çəkirsə, deməli yaxınlıq ona həzz gətirmir. Belə bir vəziyyətdə dərhal həkimə müraciət etməlisiniz.