Tanınmış teleaparıcı, həkim Aleksandr Myasnikov diabetdən əvvəlki mərhələnin əlamətləri haqqında məlumat verib.

Aztibb.az svpressa.ru-ya istinadən xəbər verir ki, həkimlər bunu prediabet adlandırırlar.

“Bəzi insanlar onlarda diabet ehtimalı olduğunu dərk etmirlər, çünki ilkin mərhələdə xəstəlik praktiki olaraq özünü hiss etdirmir. Bununla belə, diabetin başlanğıcının bəzi əlamətləri hələ də görünə bilər. Bunun üçün bir sıra müayinələrdən keçməli olacaqsınız”, – həkim bildirib.

A.Myasnikovun fikrincə, qlükoza və qlikasiya olunmuş hemoqlobin səviyyəsinin müntəzəm yoxlanılması prediabetin vaxtında aşkarlanmasına və diabetin inkişafının qarşısını almağa kömək edə bilər. Əgər səviyyələr bir qədər də olsa normadan yuxarıdırsa, bu, prediyabetin mövcudluğunu göstərə bilər.

Həkim bu vəziyyətdə bir mütəxəssislə əlaqə saxlamağı, sağlam bir pəhriz və aktiv həyat tərzinə keçməyi tövsiyə edib.