Ağızda acı dad hiss olunması müasir dövrdə bir çox insanın probleminə çevrilib. Bu xoşagəlməz halın yaranmasına bir sıra səbəblər təsir göstərir.
Aztibb.az xəbər verir ki, qastroenteroloq Gülnar Ağayeva acı daddan yaxa qurtarmaq üçün onu yaradan səbəblərin bilinməsini və müalicə edilməsini tövsiyə edib.
Buna mədə və qida borusu xəstəlikləri, öd kisəsinin xəstəlikləri, qara ciyərin fəaliyyətinin pozulmaları yol aça bilər.
Yaxud bəzi dərman preparatların qəbulu: antibakterial preparatlar, arterial təzyiqi normallaşdıran prepartalar, qalxanvari vəzi hormonları, şəkərli diabet zamanı istifadə edilən preparatlar və s.
Bu problem sinirlə, xüsusilə də periferik sinirlərdə baş verən pozulmalarla əlaqədar ola bilər. Çünki bu vəziyyətlərdə dadbilmə duyğusunun dəyişmə ehtimalı böyükdür.