Çox zaman osteoporoz uzun müddət əlamətsiz gedişə malik olur.

Aztibb.az xəbər verir ki, endokrinoloq-diyetoloq Fidan Səmədovanın bildirdiyinə görə, xəstəliyin yaranmasının yeganə əlaməti onurğa nahiyəsində (döş və bel nahiyəsi) ağrıların olmasıdır.

Osteoporoz zamanı pasientin boyu tədricən azalır, qaməti dəyişilir və onurğa daha az hərəkətli olur.

Osteoporozun daha vacib əlaməti sınıqların olmasıdır. Adətən fəqərə cisimləri və dirsək sümüyünün sınığına rast gəlinir. Xüsusilə bud sümüyü boynu sınıqları təhlükəli hesab olunur ki, bu da əlilliyə gətirir.