Əzələ distoniyası mərkəzi sinir sisteminin zədələnməsi sindromlarından biridir. Əzələ distoniyası qeyri-iradi hərəkətlərin baş verməsi və patoloji duruşların (nəzarətsiz motor bacarıqları) əmələ gəlməsi ilə xarakterizə olunan hərəkət pozğunluğudur.

Aztibb.az-a müsahibəsində uzman fizioterapevt Rüfət Cabbarlı əzələ distoniyasının növləri haqqında danışıb, onların simptomlarının əhəmiyyətli dərəcədə fərqləndiyini deyib.

Həkim bildirib ki, əzələ distoniyasının iki əsas növü var:

- Ümumiləşdirilmiş (Generalized) distoniya - ən çox uşaqlarda və gənclərdə rast gəldiyi simptomdur;

- Fokal distoniya - təxminən 10 dəfə daha tez-tez baş verir, əsasən böyüklərdə olur.