ABŞ-ın Vermont Universitetinin alimlərinin yeni araşdırmasına görə, gündə 2%-dən 5%-dək yağlı qatıq yemək, prediabetli orta yaşlı və yaşlı insanlarda qlükoza səviyyəsini azaltmağa kömək edə bilər.

Aztibb.az ridus.ru-ya istinadən xəbər verir ki, prediabet, qan şəkərinin səviyyəsinin yüksəldiyi, lakin hələ 2-ci tip diabet səviyyəsinə çatmadığı bir vəziyyətdir.

Tədqiqatda 45-75 yaş arası prediyabetli könüllülər iştirak edib. İştirakçılar iki qrupa bölünüb. Birinci qrup hər gün təxminən 500 qram normal yağlı qatıq, ikinci qrup isə yalnız yağsız qatıq yeyib.

Təcrübənin sonunda tədqiqatçılar müəyyən ediblər ki, yağlı qatıq yeyən qrupda olan insanlarda qlükoza səviyyəsi orta hesabla 97,7 milliqram/desilitr olub. Bu dəyər normal diapazondadır.