Dərmanla və ya digər üsullarla müalicəyə tabe olmayan, üç aydan çox davam edən davamlı ağrı xroniki ağrıdır. Xroniki ağrını tez-tez kəskin ağrılarla qarışdırırlar: sümük sınığı və ya əzələ yırtığı zamanı hiss olunan qısamüddətli, müvəqqəti ağrılar kəskin ağrılardır.

Aztibb.az xəbər verir ki, manual onurğa terapevti Ahu Musayevanın bildirdiyinə görə, xroniki ağrılar damar ağrısından tutmuş, onurğa, oynaq mənşəli xəstəliklər, onkoloji problemlə də bağlı ola bilər: "Amma biz bütün bunlara ağrı sindromu olaraq yanaşırıq".

“Xroniki ağrıların səbəbləri tam aydın deyil. Tibb inkişaf etdikcə yeni-yeni səbəblər ortaya çıxır. Bizə olan müraciətlər daha çox baş, boyun və bel ağrıları ilə bağlı olur. Bunlardan sonra isə damar mənşəli xroniki ağrılar gəlir. Müraciətlər arasında üçlü sinir, onurğa yırtıqları ilə bağlı xroniki ağrılar üstünlük təşkil edir”,– həkim bildirib.

Xroniki ağrılar dərman və digər müalicə üsullarına tabe olmayan, səbəbi bilinməyən ağrı növüdür. Xroniki ağrıların bir qisminin də miqrenlə bağlı olduğunu deyilir.

Qeyd edək ki, Qarabağ Xalq Təbabəti metodikaları ilə aparılan müayinə əsasında qoyulan diaqnozda, ağrının hansı səbəbdən qaynaqlandığını bilmək mümkündür. Osteopat həkim Ahu Musayeva tərəfindən aparılan müalicə proqramı tam narkozsuz, kəsiksiz və qansız aparılır.