Alma faydalı komponentləri ehtiva edir: vitaminlər, mikroelementlər, polifenollar və orqanizmə müsbət təsir göstərən digər komponentlər.

Aztibb.az klinik qidalanma jurnalı - “American Journal of Clinical Nutrition”a istinadən xəbər verir ki, bir qrup elm adamı almanın müxtəlif xüsusiyyətlərini və insanlara təsirini tədqiq edən yeni araşdırmalar aparıb.

Almada olan polifenollar optimal çəki saxlamağa kömək edir. Bu meyvənin tərkibindəki qlükoza yağlarda yığılmır, ancaq təbii enerji və canlılıq mənbəyi kimi orqanizmin xeyrinədir. Müntəzəm olaraq alma istehlak edən insanların 2-ci tip şəkər xəstəliyinə tutulma riskinin 18% azaldığı eksperimental olaraq sübut edilib.

Digər maddə kueresetin (bitki flavonolu) meyvələrə cəlbedici rəng verir, lakin bu komponentin daha vacib xüsusiyyəti onun antioksidant xüsusiyyətləridir. Flavonoidlərlə birlikdə bu maddələr damar tonunun qorunmasına, ürək-damar sisteminin sağlamlığına kömək edir, həmçinin stresə və yaşın degenerativ xəstəliklərinə qarşı da faydalıdır.