Demodekoz blefaritin törədicisi - Demodex follikulorum və Demodex brevis gənəsidir. Tük folikulları və meybom vəzilərində məskunlaşır və müəyyən şəraitdə çoxalır.

Aztibb.az-a müsahibəsində oftalmoloq Naibə Bağırova xəstəliyin risk faktorları və diaqnostikası haqqında məlumat verib.

Gənələrin aktivləşməsinin risk faktorları:
-Zəif immunitet
-Xroniki blefarit
-Yaş
-Rozasea
-İnsolyasiya
-Kiprik qaynağı
-Qiqiyenik faktorlar (umumi kosmetik vasitələr, umumi dəsmal )

Şikayətlər:
-Göz qapağı kənarlarının qızarması və qalınlaşması
-Qaşınma, yanğı, yad cisim hissi
-Sulanma
-Kipriklərin tökülməsi, qırılması, böyümə istiqamətinin dəyişməsi
-Tez tez residivləşən itdirsəyi, xalazion və s.

Diaqnostika:
-Kiprik dibində silindrik muftaların olması
-Kipriklerin mikroskop altında müayinəsi. Hər qapaqdan 4 kiprik götürülür müayinəyə (cəmi 16). 4-6 kiprikdə 1gənə normaldır.

Önəmli olan analizdə demodeksin çıxması deyil, sayıdır.