Diyetoloq Mixail Qinzburq bolqar bibərinin yaşlılar üçün faydalarından danışıb.

Aztibb.az xəbər verir ki, "Moskva 24"ə müsahibəsində mütəxəssis bu tərəvəzin yaşlı insanlarda ateroskleroz, diabet, hipertoniya və digər xəstəliklərin qarşısının alınmasında faydalı olduğunu bildirib.

Diyetoloq qeyd edib ki, bolqar bibərinin tərkibində karotenoidlər, pəhriz lifi və müxtəlif minerallar, o cümlədən kalium və maqnezium var. Onlar da öz növbəsində ürək-damar xəstəliklərinin qarşısının alınması üçün faydalıdırlar. Karotenoidlər də antioksidant rolunu oynayır.

Həkim əlavə edib ki, şəkərli diabet xəstələri bolqar bibərini qida rasionuna daxil etməlidirlər, çünki tərəvəzin tərkibindəki pəhriz lifi şəkərin udulmasını ləngidir.