Qlikemik indeks tərkibində karbohidrat olan qidaların orqanizmdə qan şəkərini nə qədər artırdığını təyin edən ölçüdür.
Aztibb.az-ın izləyicilərini endokrinoloq Rəhilə Mansur qlikemik indeks haqqında məlumatlandırıb.
Həkimin bildirdiyinə görə, etalon olaraq şəkər tozu indeksi götürülür və qlikemik indeks dəyəri 0-100 arasındadır.
Qeyd edib ki, qidalar qlikemik indeksinə görə 3 qrupa bölünür:
Aşağı Qİ (0-55)
Orta Qİ (56-69)
Yüksək Qİ (70-100)
“Yüksək Qİ olan qidalar artıq insulin ifrazına səbəb olur ki, bu da artıq çəkiyə və piylənməyə yol açır. Aşağı Qİ olan qidalar insulinə həssaslığı artırır və uzun müddət toxluq hissi yaradır”, – həkim bildirib.
Endokrinoloq əlavə edib ki, qlikemik indeks dəyərinə görə gündəlik rasionda qidaları düzgün seçmək sağlam şəkildə çəki atmağa, normal bədən kütləsini qorumağa, qan şəkərini tənzimləməyə (xüsusilə diabetli şəxslərdə) və orqanizm üçün zərərli xolesterolu (LDL) azaltmağa kömək edir.
