Aztibb.az-a müsahibəsində endokrinoloq Rəhilə Mansur saç tökülməsinin bir çox səbəbləri barədə məlumat verib.

Həkim vitamin və mineral çatışmazlığı, B12, fol turşusu, dəmir, D vitamini, sink və biotin çatışmazlığının saç tökülməsinə səbəb olduğunu deyib.

Həmçinin qeyd edib ki, hormonal səbəblər, tiroid xəstəlikləri-hipotiroidizm, hipertiroidizm, polikistik over sindromu, böyrəküstü vəz xəstəlikləri və istifadə olunan bəzi dərmanlar da problemə yol açır.

Mütəxəssis digər səbəbləri də aşağıdakı kimi sadalayıb:

- Stress və depressiya;
- Doğuş və kimyaterapiya;
- Pis qidalanma;
- Genetik faktorlar;
- Mövsüm dəyişikliyi.

Endokrinoloq saç tökülməsinin qarşısını necə ala biləcəyimizi də tövsiyə edib:

- Vitamin çatışmazlığı müalicə edilməli
- Tiroid panel testləri baxılmalı
- Saç tipinə uyğun şampun istifadə olunmalı
- Sağlıqlı,balanslı və düzənli qidalanmalı
- Saç çox sıx və ya uzun müddətli aralarla yuyulmamalı