Orta qulaq infeksiyası - Qulaq pərdəsi deşilərsə...
Orta qulaq infeksiyası kəskin üst tənəffüs yolu infeksiyasından 5-7 gün sonra qulaq ağrısı və narahatlıqla başlayır.
Aztibb.az xəbər verir ki, uzman pediatr, neonatoloq Kamil Şərifov bu halın qulaq boşluğuna irinli möhtəviyyat toplanması ilə özünü göstərdiyini deyib: “Qulaq pərdəsi qızarır, xaricə (xarici qulaq yoluna) doğru qabarıqlaşır”.
Həkim bildirib ki, bəzən qulaq pərdəsi deşilə də bilər: “Qulağı ağrıyan uşağın qulağından irin gəlməsi ilə birlikdə qulaq ağrısının keçməsi qulaq pərdəsinin deşildiyinin əlamətidir”.
O, əlavə edib ki, qulaq pərdəsi deşilən hallarda müalicə bitənə qədər qulağa su girməməlidir. Bu vəziyyətdə qulağa su girməsi qulaq pərdəsinin qalıcı yırtığına səbəb ola bilər.
