Mütəxəssislər bir çox dərmanı üstələyən, mutasiyalara müqavimət göstərə bilən antibiotiklərin modifikasiyalarını daim axtarmağa məcbur olurlar.

Aztibb.az actualnews.org-a istinadən xəbər verir ki, antibiotiklərə davamlı virusları məhv etmək üçün alimlər antibakterial xüsusiyyətləri ilə tanınan qızılın müxtəlif birləşməsini hazırlayıblar.

Onların əsasında yaradılmış dərmanlar artıq bir sıra infeksiyalar üzərində sınaqdan keçirilib. Bütün viruslar "qızıl həb" adlanan dərman vasitəsi ilə məhv edilib.

Alimlər izah ediblər ki, qiymətli metal birləşmələri bakterial membranın funksiyasını pozur və virusun DNT strukturunu zədələyir. Nəticədə hüceyrə ölümü prosesi başlayır.

İspan mütəxəssislərinin fikrincə, hazırlanmış dərmanın effektivliyi 86%-ə çatır. Alimlər qızıl əsaslı antibiotiklərin böyük maliyyə inyeksiyalarına ehtiyac duymadığını və istehsalının asan olduğunu iddia edirlər.