Su Mühitinin Monitorinqi üzrə Beynəlxalq Konsorsiumun hidroloqları 2023-cü ildə ABŞ və Kanadanın Böyük Düzənliklərində, Rusiya Federasiyasının qərbində, Monqolustanda və ÇXR-in bəzi ərazilərində şiddətli quraqlığın olacağını proqnozlaşdırıblar. Oxşar problemlər Ural və Alyaskada da yarana bilər. Pakistan, İndoneziya, Braziliya və Qayanada daşqın riski yüksəkdir.
Aztibb.az xarici mediaya istinadən xəbər verir ki, Rusiyalı seysmoloqlar Qafqaz və Krımda zəlzələ ehtimalının yüksək olacağı barədə xəbərdarlıq ediblər.
Məşhur astroloq Nostradamus 2023-cü ildə ciddi kataklizmlərin olacağını proqnozlaşdırıb. O, Yer kürəsinin üzərində "odlu qığılcımların" görünəcəyini bildirib. Astronomların fikrincə, Nostradamus meteor hücumunu nəzərdə tutub.
Özünü "Vanqanın tələbəsi" adlandıran Vera Lyon da bəzi iqlim problemlərini proqnozlaşdırıb. Onun sözlərinə görə, amerikalılar Yelloustoun super vulkanının oyanması səbəbindən problem yaşayacaqlar. Astroloq Lyudmila Muravyova isə bu il dağıdıcı zəlzələlərin olacağını proqnozlaşdırıb.
Bundan əlavə, Hindistanlı Anand tezliklə nəhəng kosmik hadisənin baş verəcəyi barədə xəbərdarlıq edib. Bu, qlobal miqyasda fəlakətə gətirib çıxaracaq. Onun mənfi nəticələri dörd əsr ərzində hiss olunacaq.
Vernadski Universitetinin alimi Vladimir Suxarev aprelin sonuna qədər olan dövrün ən təhlükəli olacağını bildirib. Sonra təhlükə iyul və avqust aylarında görünəcək. Alim öz proqnozunda elektromaqnit rezonans konsepsiyası metodunu rəhbər tutub.
