Son sutkada koronavirusa 7 yeni yoluxma faktı qeydə alınıb.

Aztibb.az xəbər verir ki, bu barədə Nazirlər Kabineti yanında Operativ Qərargahdan məlumat verilib.

Bildirilib ki, sutka ərzində ölən olmayıb, virusa yoluxmuş 10 nəfər sağalıb.

İndiyədək ölkədə ümumilikdə 830 367 nəfərin xəstəliyə yoluxması faktı müəyyən edilib, onlardan 819 670 nəfər müalicə olunaraq sağalıb, hazırda 500 aktiv xəstə var. Bu günə qədər 10 197 nəfər vəfat edib.