Arizona Universitetindən psixoloq Stuart Hameroff ölümdən sonra insanın ruhu ilə bağlı nə baş verdiyini izah edən “Orch OR” nəzəriyyəsi haqqında danışıb.

Aztibb.az involta.media-ya istinadən xəbər verir ki, “Orch OR” və ya "Orchestrated Objective Reduction"a görə ruh kainatın toxumasıdır və əbədi yaşayır.

Onun mahiyyəti ölümdən sonra kvant vəziyyətini itirən beyin hüceyrələrindəki mikrotubullarda yerləşir. İçəridə olan məlumatlar qorunur.

Psixoloqun səsləndirdiyi nəzəriyyə təsadüfi deyil. Mütəxəssis dörd il ərzində kliniki ölüm vəziyyətinə düşmüş xəstələri müşahidə edib, onları həyata qaytaran həkimlərdən müsahibə alıb. O, bildirib ki, xəstə sağ qalarsa, kvant məlumatı beyin hüceyrələrinə qayıdır.