Limon soyuqdəymə və digər xəstəliklərin müalicəsi üçün dərman kimi geniş istifadə olunur. Ancaq bəzi insanlar bu meyvəni yeməklə mənfi təsirlərlə üzləşə bilər.
Aztibb.az involta.media-ya istinadən xəbər verir ki, dietoloq Alexandra Lapinanın sözlərinə görə, sitrus meyvələrinə allergiyası olanlara, həmçinin böyrək xəstəlikləri və mədə-bağırsaq traktında problemi olanlara limondan istifadə etmək tövsiyə edilmir.
Bununla belə, həkim qeyd edib ki, sitrus meyvələrinə qarşı allergiyası olmayan, böyrək və mədə-bağırsaq traktında problemi olmayanlar üçün limon faydalı məhsuldur.
Həzmi yaxşılaşdıra, iştahı artıra və qanda xolesterinin səviyyəsini aşağı sala bilər. Limon həmçinin krampları aradan qaldırmağa və xərçəng şişlərinin inkişafının qarşısını almağa kömək edir.