Alimlər hamilə qadının ötürdüyü koronavirusun uşağın zehni inkişafına təsir göstərə biləcəyini irəli sürüblər.

Aztibb.az xarici mediaya istinadən xəbər verir ki, bu barədə “Pediatrics” jurnalında dərc olunmuş məqalədə bildirilir.

Qeyd olunur ki, hamiləliyin ikinci trimestrində COVID-19-dan sağalmış qadınlarda beyin zədəsi olan uşaqların doğulması halları olub.

Belə ki, belə anaların əlil övladı dünyaya gəlib, onlarda doğuş zamanı qıcolma olub, sonradan onların inkişafında gerilik olduğu üzə çıxıb.

Uşaqlarda koronavirus testi mənfi, lakin COVID-19-a qarşı anticisimlərin səviyyəsi yüksək olub. Bu o deməkdir ki, virusun anadan plasentaya, sonra isə uşağa keçmə ehtimalı var, məqalədə bildirilir.