Müasir ginekologiyada qarın boşluğunun kəsilməsi ilə cərrahi müdaxilələrə daha gec-gec müraciət edilir. Artıq təkmilləşdirilmiş texnika - laparoskopiyaya üstünlük verilir.

Aztibb.az xəbər verir ki, ginekoloq Kamran Nağıyev laparoskopiyanın üstünlüklərini sadalayıb:

✔qısa bərpa müddəti 7-14 gün;
✔geniş göstərişlər siyahısı;
✔çapıqların olmaması (kosmetik effekt);
✔minimal zədələnmə dərəcəsi (kəsik olmadan, kiçik punksiyalar edilir);
✔əməliyyatdan sonrakı dövrdə narahatlıq və ağrı olmaması;
✔digər diaqnostik üsullarla müqayisədə daha geniş məlumat;
✔əməliyyat zamanı minimal qan itkisi;
✔reproduktiv funksiyanın qorunması;
✔texnikanın sürətli tətbiqi;
✔minimal ağırlaşma riski;
✔müalicənin keyfiyyətinə xələl gətirmədən daha qısa müddətdə əmək qabiliyyətinin bərpası

Qeyd edək ki, laparoskopiya kəsiksiz və az invaziv əməliyyat olub, qarın boşluğu orqanlarına baxmaq üçün xüsusi optik cihazın (endoskopun) köməyilə aparılır.