Yuxu sağlam həyat üçün vacibdir. Bədənimiz yuxu zamanı yenilənir və təmir olunduğu üçün növbəti günə uyğunlaşır.
Aztibb.az xəbər verir ki, qastrenteroloq Nərmin Novruzovanın tövsiyə etdiyi kimi gözəl yuxu üçün edə biləcəyimiz ən sadə şey yuxu rutininin yaradılmasıdır.
Bu, əslində heç birimiz üçün yad deyil, uşaq ikən hamımızın belə bir rejimi var idi və həqiqətən də işə yarayırdı.
Odur ki, rutinə qayıtmağın vaxtıdır.
Çünki son araşdırmalar göstərir ki, yuxu rejimi təkcə yuxunu yaxşılaşdırmır, həm də hormonal tarazlığı təmin edir, beynin fəaliyyətini yaxşılaşdırır, stress və narahatlığı azaldır. Sağlamlığımızı yaxşılaşdıran bir vərdiş olaraq mühüm rola malikdir.
Gündəlik görüləsi işlərin ardıcıllığı və yuxu rutini
▪Axırıncı kofeni saat 14:00-da, son çayı isə 17:00-da içmək,
▪Son idman məşqini saat 18:00-da, son yeməyi yatmadan 3 saat əvvəl yemək.
▪Saat 21:00 kimi stress keçiririksə, duş qəbul edirik və ya musiqi dinləyirik
▪Yatmazdan 1-2 saat əvvəl elektronikanı söndürmək,
▪Biz meditasiya edə və ya sakitləşdirici musiqi dinləyə bilərik.
▪İstəyə görə rahatlaşdırıcı bitki çayı içə bilərik,
▪22:00 radələrində maqnezium və yaxud melatonin içə bilərik.Təbii ki, həkim nəzrəti ilə.
Məqsədimiz ən geci 23:00-da yatağa girib, 23:30-da yuxuya getməkdir.