Türkiyənin Karabük Universiteti (KBU) Mühəndislik fakültəsi Tibb mühəndisliyi bölməsində çalışan alimlər mədə xərçənginin erkən diaqnozu üçün yeni üsul hazırlayıblar.

Bu barədə Aztibb.az medimagazin.com.tr-yə istinadla bildirir.

Belə ki, KBU Tibb fakültəsinin professoru Harun Erol, Hacettepe Universitetinin müəllimi, prof. Bekir Salih və KBU Biotibb Mühəndisliyi məzunu Deniz Baran Demirhanın dəstəyi, dos. Hacı Mehmet Kayılı və təlimatçı prof. Hakan Yılmazın rəhbərliyi ilə mədə xərçənginin sürətli və dəqiq diaqnozu üçün araşdırma aparılıb.

Dos. Hacı Mehmet Kayılı jurnalistlərə açıqlamasında bildirib ki, mədə xərçəngi Türkiyədə və dünyada ən çox rast gəlinən xərçəng növlərindən biridir.

Müalicənin erkən diaqnoz qoyulduğu təqdirdə təsirli olduğunu qeyd edən M.Kaylı mədə xərçənginin daha sürətli diaqnozu üçün bioanalitik üsul hazırladıqlarını deyib.

Xəstədən alınan nümunələrin patoloji şöbəyə göndərildiyini və nəticələrin bir həftə ərzində alındığını izah edən Kaylı, "İnkişaf etdiyimiz üsul bioanalitik, biokimyəvi bir üsuldur. Bu üsulla patoloji analizə ehtiyac olmadan mədə xərçəngi 3 saata müəyyən edilə bilər", - deyə bildirib. Qeyd edib ki, bu yolla xəstələrə daha erkən diaqnoz qoyula və müalicə prosesinə tez bir zamanda start verilə bilər. 

Professor əldə edilən nəticələrin İngiltərədə nəşr olunan Analyst elmi jurnalında dərc edilmək üçün qəbul edildiyini söyləyib.