Qaraciyəri lal orqan adlandıdırlar. Bunun səbəbi qaraciyərdə sinir uclarının olmaması və bu səbəbdən ağrımamasıdır. Bəzən qaraciyərdə hətta ciddi dəyişikliklər olduqda insan bu nahiyyədə heç bir ağrı hiss etmir.

Aztibb.az xəbər verir ki, hepatoloq Tofiq Əkbərov bu səbəbdən qaraciyər xəstəliklərinin ilk gizli simptomlarını bilməyin vacib olduğunu deyib. Bu da vaxtında həkimə müraciət üçün zəruridir.

Qida qəbulundan, xüsusilə yağlı qidaların qəbulundan sonra həzmsizlik simptomları;
Köp, qarında ağırlıq hissi, bəzən ishal:
Oynaq və əzələlərdə səbəbsiz ağrılar;
Səbəbsiz yorğunluq;
Dəridə qaşınma, səpgilərin əmələ gəlməsi, dərinin rənginin pisləşməsi;
İştahanın azalması, arıqlama.

Həkim qeyd edib ki, bu kimi halların baş verdiyini sezsəniz, dərhal, vaxt itirmədən həkimə müraciət edin.

Qaraciyər insanın ən vacib orqanıdır. Onun müalicəsi bəzən illər, bəzən bir ömür boyu çəkir. Bəzən isə heç olmur. Bu kimi problemlərə məruz qalmamaq üçün müntəzəm olaraq qaraciyərinizi yoxlatdırmaq məsləhətdir.