Yapon alimləri müəyyən ediblər ki, süni işıq altında gecə yatmaq orqanizmin sağlamlığına mənfi təsir göstərir.

Aztibb.az involta.media-ya istinadən yazır ki, mütəxəssislər 63-84 yaş arası 550-dən çox insanın iştirak etdiyi eksperimentdən sonra belə qənaətə gəliblər.

Könüllülərin yarısından az hissəsi gecələr qaranlıqda yatıb. Qalanları lampa, televizor və digər işıqlandırma cihazları yandırılmış halda yuxuya gediblər. İkinci qrup şəkərli diabet, yüksək təzyiq və piylənmədən daha çox əziyyət çəkirdi. Səbəb sirkadiyalı ritmin pozulmasıdır.

Mütəxəssislər tövsiyə edir ki, sağlam yuxu üçün bütün işıq mənbələrini aradan qaldırın. Bunun üçün təkcə elektrik cihazlarını söndürmək deyil, həm də yatağı pəncərədən uzaqlaşdırmaq, pərdələri möhkəm bağlamaq lazımdır. Həmçinin xüsusi göz maskalarından istifadə etmək tövsiyə olunur.