Kolonoskopiya yoğun, düz və qalça bağırsağın terminal hissəsindəki dəyişiklikləri aşkar etmək üçün istifadə edilən bir müayinədir. Kolonoskopiya zamanı düz bağırsağa uzun, elastik bir boru daxil edilir. Borunun ucunda olan kiçik video kamera həkimə bütün bağırsağın mənfəzini və selikli qişasını dəyərləndirmək imkanı verir.
Aztibb.az xəbər verir ki, qastrenteroloq Gülnar Ağayeva kolonoskopiya müayinəsinə göstərişlər barədə instaqram səhifəsində məlumat verib:
Alarm simptomlar
Aanal simptomlar olmadan 6 həftə ərzində davamlı rektal qanaxma
Bağırsaq vərdişində dəyişiklik (son 6 həftə ərzində artan tezlik)
Sağ qalça çuxurunda və düz bağırsaq nahiyyəsində əllənən kütlə
Səbəbi aşkarlana bilməyən dəmir defisitli anemiya
Digər əlamətlər
Bağırsaqla bağlı digər şikayətlər qarın ağrısı, xroniki qəbizlik, nəcisdə patolojı əlavələrin olmasıdır (irin, selik, qan).
Kolorektal xərçəngin skrininqi
Ümumiyyətlə, heç bir şikayəti olmasa belə, 45 yaş üstü hər kəsə kolorektal xərçəngin profilaktikası üçün skrininq kolonoskopiyadan keçmək tövsiyə olunur.
