Hamiləliyin planlaşdırılması zamanı rezus faktoru çox vacibdir. Gələcək anada Rh-mənfi, atada isə Rh-müsbətdirsə, Rh-konflikt baş verə bilər.

Aztibb.az xəbər verir ki, ginekoloq Kamran Nağıyevin bildirdiyinə görə, bu, dölün atadan qan qrupunu aldıqda və ananın qanının buna qarşı müqavimat göstərərkən antitel ifraz etdikdə baş verir.

Vəziyyət çox ciddi nəzarət və müalicə tələb edir. Əks təqdirdə, hamiləlik vaxtından əvvəl doğuş və ya körpənin itirilməsi ilə yekünlaşa bilər.

Belə pasiyentlərin hamiləliyin ilk həftələrindən daim mama-ginekoloqun müşahidəsi altında olmaları və bütün lazımi müayinələrdən vaxtında keçmələri çox vacibdir.

Rezus faktor konflikti olduqda sağlam körpə dünyaya gətirmək mümkündürmü?

Əgər bütün hamiləlik boyunca ananın sağlamlığı və dölün inkişafı daim təcrübəli mütəxəssislərin nəzarəti altında olarsa, dünyaya sağlam uşaq gətirmək mümkündür.