Quançjou Tibb Universitetinin mütəxəssisləri yuxusuzluğun mənfi təsirlərini azaltmaq üçün üsul müəyyən ediblər. Araşdırmalar göstərib ki, idman məşqləri yuxusuzluqdan yaranan vaxtından əvvəl ölüm riskini azaldır.
Aztibb.az planet-today.ru-ya istinadən xəbər verir ki, alimlər öz müşahidələrini və tapıntılarını Avropa Profilaktik Kardiologiya jurnalında bildiriblər.
Tədqiqatçılar 40-73 yaş arasında olan 92 min insanın məlumatlarını təhlil ediblər. Könüllülərdən akselerometr qolbaq taxmaları istənilib. Müşahidə 7 il davam edib. Bu, müddət ərzində eksperimentdə iştirak edən 3080 iştirakçı dünyasını dəyişib. Onlardan 1074-də ölüm səbəbi ürək-damar xəstəlikləri olub. 1871-də isə onkologiya diaqnozu qoyulub.
Müşahidəçilər fiziki fəaliyyətin müddətini və intensivliyini, həmçinin yuxu müddətini qeyd ediblər. Qısa yuxu 6 saatdan az, uzun yuxu - 8 saatdan çox, norma isə 6-8 saat olub.
İnsanlar çox hərəkət etmədikdə, həm qısa müddətli, həm də çox uzun yuxu müvafiq olaraq 16 və 37 faiz erkən ölümə səbəb olub.