Ayaqqabılarınız topuqlarınıza, dizlərinizə, bud-çanaq və onurğanıza, beləliklə bütün duruşunuza təsir edir. Sizə uyğun ayaqqabı geyinmək revmatoid artritdə təsirlənən oynaqları dəstəkləyə bilər.
Aztibb.az xəbər verir ki, revmatoloq Camal Hacıyev bu barədə instaqram səhifəsində məlumat paylaşıb.
“Ayaqqabılarınız nə çox dar, nə də çox geniş olmalıdır. Ayağın heç bir nöqtəsinə təzyiq etməməlidir. Bağlı ayaqqabılar təzyiq sahələrini tənzimləməyə imkan verir”, – həkim bildirib.
Qeyd edib ki, 2 fərqli cüt ayaqqabının olması yaxşı fikirdir. Beləliklə, gəzinti zamanı ayaqlarınızın daim təzyiq altında qalmasının qarşısını ala bilərsiniz. Gəzintiyə çıxdığınız ayaqqabının rahat olmasına diqqət etməlisiniz.
Hündürdaban ayaqqabılardan çəkinməlisiniz. 6-7 sm daban geyinmək ayağınıza 2-3 sm dabandan 7 dəfə çox təzyiq göstərə bilər. O, həmçinin diz və bud-çanaq oynağındakı yükü artıra bilər.