İmmanuel Kant adına Baltik Federal Universitetinin alimləri dağtərxununun tərkibində qocalma əleyhinə maddələr aşkar ediblər. 

Aztibb.az potokmedia.ru-ya istinadən xəbər verir ki, Dağtərxunu tez-tez yağlar, təbii qoruyucu maddələr və balzamlar yaratmaq üçün kosmetikada istifadə olunur. Onun mənası yunanca ölməzlik sözündən gəlir. Bununla belə, dünyaca məşhur bitki böyümə yerindən asılı olaraq müxtəlif elementlərə malikdir.

Ən faydalı dağtərxunu Baltikyanı bölgələrdə bitir və özündə 15-dən çox müxtəlif komponentləri ehtiva edir. Bitkinin maye xromatoqrafiyası onun tərkibində çoxlu faydalı bioloji aktiv maddələrin olduğunu göstərir.

Dağtərxununun tərkibindəki maddələr hüceyrələrin oksigenlə doymasını yaxşılaşdırmağa və onları oksidləşmədən qorumağa qadirdir. Bitki ekstraktı hüceyrələrin daha uzun yaşamasına və enerji səmərəliliyinin qorunmasında faydalıdır, antimikrobiyal təsirə malikdir və ürək-damar sistemini yaxşı vəziyyətdə saxlamağa kömək edir.

Tədqiqatçılar əmindirlər ki, bu bitki qocalığı gecikdirməyə və hüceyrə mutasiyasının qarşısını almağa kömək edən geroprotektiv bitki yaratmaq üçün istifadə edilə bilər. Alimlərin araşdırması “Pharmaceutics” jurnalında dərc olunub.