Həkimlər bitkilərdə ölümcül gümüş yarpaq xəstəliyinə səbəb olan və yoluxmuş budağın yarpaqlarının gümüşü rəng almasından sonra ölməsinə səbəb olan “Chondrostereum purpureum” göbələyinə ilk yoluxma hadisəsi barədə məlumat veriblər.
Aztibb.az ridus.ru-ya istinadən xəbər verir ki, Hindistanın Şərq bölgəsindən olan 61 yaşlı mikoloq boğazda xırıltı, yorğunluq, öskürək və udma çətinliyi kimi bir sıra qripə bənzər simptomlar üçün həkimə müraciət edib.
Döş qəfəsinin rentgenoqrafiyası normal görünüb, lakin boyun CT müayinəsi absesi aşkar edilərək ondan nümunə götürülüb və analiz üçün göndərilib.
Ştamın müəyyən edilməsi üçün bir neçə uğursuz cəhddən sonra nümunə ÜST-nin müvafiq mərkəzinə göndərilib və göbələyin növü təyin edilib. Xəstə mikoloq olub və göbələk və kiflərin yanında uzun müddət qaldığını təsdiqləyib.
Bu xəstəliklərin bitkilərdəki patogenlər tərəfindən törədilə biləcəyini göstərən narahatedici vəziyyətdir və zəif insanlar üçün xüsusi təhlükə yaradır.