Gündəlik qadın bezlərindən istifadə etməməyə çalışın. Onlar bakteriyaların inkişafı üçün ideal mühit yaradırlar. Axar su ilə yuyunmaq daha düzgündür.

Aztibb.az xəbər verir ki, ginekoloq Kamran Nağıyev gündə ən azı 2 dəfə, menstruasiya zamanı isə bezi hər dəfə dəyişdirdikdə yuyunmağı tövsiyə edib.

Gündə iki dəfə alt paltarınızı dəyişdirin. Bu sırada yuyunmaq vacibdir.

Tualet kağızı istifadə edərkən, öndən arxaya doğru silinin. Əksinə qətiyyən olmaz.

Keyfiyyətli alt paltarı geyinin. Yumşaq pambıq materialına üstünlük verin.

Birdəfəlik yadınızda saxlayın: sprinsləmə (şırınqa) etmək ziyandır!

Əgər intim nahiyədə qaşınma varsa, xoşagəlməz qoxu və ya qeyri-adi rəngdə axıntılar (sarı, yaşıl), quruluq, narahatlıq hiss edirsinizsə, uzatmadan ginekoloqa müraciət edin!