Musiqinin, mahnıların insana müsbət təsiri çoxdan məlumdur. Bu aksiom müasir alimlər tərəfindən dəfələrlə təsdiqlənib.

Aztibb.az planet-today.ru-ya istinadən xəbər verir ki, çoxsaylı tədqiqatların da göstərdiyi kimi sevimli melodiyalar dərmanların effektivliyini artıra bilər.

Ailə həkimi Tatyana Zaxarova musiqinin kimyaterapiyada istifadə olunan dərmanların effektivliyinə təsiri ilə bağlı araşdırmanın nəticələrini şərh edib.

Mütəxəssis deyir ki, ağrı, narahatlıq nevroloji hadisələrdir, onların şiddəti bu vəziyyətlərin beyin tərəfindən necə qiymətləndirilməsi və şərh edilməsindən asılıdır.

Alimlər kimyaterapiya prosedurlarından sonra xəstələrin sevimli mahnı və melodiyalarını dinlədikləri təqdirdə vəziyyətlərinin necə dəyişdiyini araşdırıblar. Məlum olub ki, bu, həmişə xoşagəlməz hisslərin şiddətini azaldan amil kimi görülüb.

Məsələn, mülicə zamanı ürəkbulanma nevroloji halı baş verir. Bu hal ürəkbulanma alqoritmində iştirak edən serotoninlə əlaqələndirilir. Xəstələr onlarda müsbət emosiyalar oyadan musiqiyə qulaq asanda bu hormonun səviyyəsi aşağı düşüb. Və bununla birlikdə ürəkbulanma da azalıb. Bu, musiqinin beynin neyron şəbəkəsinə təsiri ilə baş verir.